أحمد سعد يردّ على اتهامه بالنفسنة من تامر حسني.. ويوضح حقيقة خلافه مع عمرو دياب!

مجلة إنتي حلوة : 

رد الفنان المصري أحمد سعد على اتهامه بالنفسنة من مواطنه الفنان تامر حسني، معلقًا: "أنا بحب تامر جدًا ومعنديش مشكلة معاه.. أنا كل اللي قولته إن ماينفعش حد يتقال عليه نجم الجيل.. هو يتقال عليه أمور وزي العسل.. لكن مايتقلش أحسن واحد ما محمد حماقي وتامر عاشور وبهاء سلطان بيعملوا شغل يجنن ما كل دول جيله".

وأوضح، في تصريحات تلفزيونية: "أنا مش بغلط في تامر حسني أنا بتكلم على لقب بيظلم ناس كتير أوي جنبه.. أنا مش منفسن من حد وكل الجيل بتاعي أنا بديله حقه أما بيعملوا حاجه كويسة.. وأفضل صوت عندي في مصر هو بهاء سلطان".

وكشف سعد عن حقيقة خلافه مع الفنان عمرو دياب، موضحًا أنه لا يوجد خلاف حاليًا وهو يكنّ له كل احترام، معلقًا: "ده كان موقف قديم لما عمرو دياب خد مني أول أغنية أعملها في حياتي وهي ياناسي وعدك، وكنت خلاص سجلتها في الاستوديو، راح هو اتفق مع الشاعر والملحن من ورايا وخدها".

وأكد أنه كان لا يشعر بالحرج من وجود فرق سن كبير بينه وبين طليقته الفنانة سمية الخشاب، مشيرًا إلى أنه كان الزيجة رقم 6 في حياتها.

وكان الفنّان المصريّ أحمد سعد، نفى كلّ ما قالته طليقته سمية الخشاب، بشأن رفع قضيّة طلاق عليه، مؤكّدًا أنّه هو من قام بتطليقها غيابيًا، دون علم منها، موضّحًا، أنّه اتّخذ هذا القرار، بعد أنْ تعرّض للخيانة والخداع منها.

وعن أسباب الطّلاق، قال: "هي ضحكت عليا وأنا آمنتلها جامد بكل ما أملك وأنا كنت محتاج لها في الفترة دي.. كنت محتاج ست، أنا راجل مهرجل وحياتي غير منظمة، وكنت بشتغل كويس وبكسب كويس ومضيع، وكنت محتاج للأمان وست يتآمن لها وهي كانت أمينة جدًا على فلوسي".