أحمد آدم: "مفيش حاجة في الفن اسمها كده"

مجلة إنتي حلوة : 

كشف الفنان أحمد آدم عن عدة مفاجآت خلال مقابلته مع الإعلامية بسمة وهبة عبر قناة "القاهرة والناس" والتي تحدث فيها عن رأيه في مسرح الفنان أشرف عبدالباقي والذي أوضح أنه ليست له علاقة بالمسرح، مؤكداً أنها "اسكتشات" فنية.

وعن عدم بناء مسرح خاص به، قال آدم: "ملقتش 30 مسرحية فصل واحد يتعملوا، والبرنامج ده كان معايا قبل ما يروح لأشرف لكنني رفضت ورشحت لهم أشرف، لأنه كان بيحضر برنامج اسمه اسكتشات".

وعن علاقته بالفنان الراحل عادل أدهم، قال آدم، خلال فقرة "شيخ الحارة"، من البرنامج، إنه من أعظم فناني مصر على الإطلاق، مشيراً إلى أن موهبته توازي موهبة الفنان الأميركي العالمي أنتوني هوبكنز.

وأردف: "بعدما شاركنا مع بعض في فيلم "يا تحب يا تقب"، جالي فيلم دروس خصوصية في اللصوصية، وقاللي إننا مع بعض، وهزر معايا وقالي هفرمك".

وعن المنتج محمد السبكي، قال آدم إنه لا يحب العمل معه: "مينفعش أخرج وأنتج وأمثل وأقول محدش يناقشني، مفيش حاجة في الفن اسمها كده، لازم يكون في تفاهم، قالي هعملك فيلم في أسبوعين من 5 سنين وقت ما كان مفيش شغل في السينما، أنا مش منجد عشان أشتغل كده".

وعما أثير بشأن تقليده لباسم يوسف في برنامجه "بني آدم شو"، قال آدم، إنه بدأ برنامجه قبل أن يبدأ الأخير: "اللي أنا بعمله محدش يقدر يعمله، محدش يقدر يعمل "ستاند آب" كوميدي في مصر أو الوطن العربي زيي، هو كان بيقعد على الكرسي ويعلق على فيديوات بيوتيوب، مش زي اللي أنا بعمله، وأكتر من نصف اللي قلته في البرنامج كان ارتجال".