إيمي سالم تهين غادة عبد الرازق وتعايرها بالمهدئات!

مجلة إنتي حلوة : 

شنت الممثلة المصرية إيمي سالم، هجوماً عنيفاً على الفنانة غادة عبد الرازق، ودافعت عن شركة "إعلام المصريين"، متهمة غادة بالفشل والجنون! وذلك عقب تغريدة غادة.

إيمي قلّلت أدباً وكتبت: "إلى الممثلة والزميلة غادة عبد الرازق، أولاً عيب قوي اللي أنت كاتباه ده، لأن الصراحة الشركة اللي أنت بتشتمي فيها وتتهميها محدش فينا عارف هما شغلوكي أزاي أخر 6 سنين، لأن حضرتك أخر أعمال نجحت لك هما "سبق الإصرار" و"حكاية حياة"، بعد كده ولا مسلسل اتشاف ولا اتباع لوحده، اللي كان متوقع إنك تشكريهم لأنهم شايلينك في كل اللي بعد كده، على الأقل تخرجي بحسن سير وسلوك، وما ينفعش يوم ما انهي علاقة مع حد وقف جنبي انهيها باللي حضرتك كاتباه ده، اتمنى أن حضرتك ما تكونيش كاتبه الكلام ده وأنت في كامل وعيك، واتمنى أن ده كمان يكون تحت تأثير المهدئات ويا ريت برضه تعرفي أن حضرتك مش مشروع قومي وأن الشعب ممكن يقوم بمظاهرات ضد الجيش والشرطة عشان الملايين اللي حضرتك بتاخديها، ولا زمايلك وكلوكي تتكلمي باسمهم، نعقل والنبي احنا مش ناقصين".