عمرو سعد يجدد هجومه على خالد يوسف

مجلة إنتي حلوة : 

تحدث الفنان عمرو سعد، في برنامج «حفلة 11» تقديم الإعلامية سمر يسري، عن خلافه مع المخرج خالد يوسف، بخصوص تصريحات سابقة متبادلة بينهما بعد فيلم «مولانا»، والذي اعترض فيه «سعد» على طريقة الدعاية ووصفها بـ«التهريج» نتيجة الاكتفاء باسم المخرج في الترويج، ليعلق «يوسف» بأنه فيلمه، وأن الجمهور يذهب للسينما ويشاهد الفيلم لهذا السبب.

ورد «سعد»: «إن كان خالد شايف كده يبقى يطلع اسمه على الأفيش، ومايقولش اسمي.. ماينفعش تبقى أناني وتفكر من زاويتك انت بس، وإحنا مش متنافسين أصلا، انت مخرج وأنا ممثل، وكلامه ده معناه إنه بينافسه بطل فيلمه وده مش صح».

وأضاف سعد: «مافيش شك إن أنا وخالد الكيميا بيننا كانت هايلة، وعملنا أفلام ناجحة، وأنا لقيت فيه المخرج المناسب، وهو كمان لقى فيا البطل الجيد، وده معناه إننا بنتشارك النجاح، وإن خالد مابينجحش لوحده، فماينفعش تبيع للجمهور إنه فيلم المخرج بس، لأنه مش هايروح».